DANKIE KONING JESUS
“Dankie” is die woord wat in my hart opkom
As ek in stilte in gebed voor U neerkniel
Al kan “dankie” nie in woorde my gevoel beskryf
Wat ek in my dra vir die redding van my siel
Ek sê dankie, Koning Jesus, dat U sò goed voorsien
Al my nood het ek lank reeds aan U vertel
In die nag is my versugtinge aan U bekend
In die môre wag ek net op U bevel
En ek sal my hele lewe elke dag vir U kom dankie sê
In U sal ek blydskap hê, op U al my laste lê
U vul my met nuwe krag om elke dag te doen wat U wil hê
Vir al U liefde, Heer, wil ek net dankie sê
Ek is net ‘n doodgewone mensekind
Iewers in die wêreld waar ek leef
Dit bly vir my ‘n wonder dat U aan my dink
Ek is wonderbaarlik in U raadsplan ingeweef
Dankie Vader, dat ek maar net U kind kan wees
Geen verdienste kan U by my ooit vind
U genade in Jesus is vir my genoeg
Deur U Seun se bloed is ek vir ewig aan U gebind
En ek sal my hele lewe elke dag vir U kom dankie sê
In U sal ek blydskap hê, op U al my laste lê
U vul my met nuwe krag om elke dag te doen wat U wil hê
Vir al U liefde, Heer, wil ek net dankie sê
En ek sal my hele lewe elke dag vir U kom dankie sê
In U sal ek blydskap hê, op U al my laste lê
U vul my met nuwe krag om elke dag te doen wat U wil hê
Vir al U liefde, Heer, wil ek net dankie sê
Vir al U liefde, Heer, wil ek net dankie sê
Vir al U liefde, Heer, wil ek net dankie sê
