Recent Posts

Pages: 1 [2] 3 4 ... 10
11
Gesels saam. / Vergifnis
« Last post by Blikkies on March 20, 2022, 06:40:53 AM »
Vergifnis

Jesus het jou  lief! Dit is amper soos of Jesus glad nie ‘n geheue het nie. Aan die kruis, in sy sterwens oomblik pleit Hy by Vader vir God se vergifnis oor ons, want Hy het klaar vergewe. Nęrens lees ons ook dat Hy terug verwys na waar mense Hom sleg behandel het nie. Inteendeel, Hy gaan uit om die sondaars, die wat verkeerd doen uit te soek, die tollenaars, die hoereders, selfs die Legio’s wat vol verskillende bose geeste is; om vir hulle te wys hoe om te leef, wat vergifnis werklik is. Jesus leer ons hoe om te vergewe. As ons as mense nie ‘n geheue gehad het nie, sou ons nie nodig gehad het om te vergewe nie. Ons sou eenvoudig net alles vergeet het, maar nou onthou ons. Dit maak vergifnis ‘n wilsbesluit, ‘n besluit waarin jy vir Vader moet vra om jou gesindheid te verander teenoor die persoon wat jou te nagekom het, dat jy hom of haar met nuwe oë kan sien. Wanneer jy iemand nie kan vergewe nie, sluit jy jouself inwerklikheid uit van die genade wat Jesus met Sy kruisdood in jou lewe gebring het. As jy iets wil onthou, onthou dat jy die persoon vergewe het en die keuse kan net jy alleen maak. Dit maak ‘n verkil aan jou eindbestemming. Vergifnis sluit niemand en niks uit nie.
12
Gesels saam. / Uit die Vader se Hart - 17 Maart
« Last post by Blikkies on March 17, 2022, 06:16:57 AM »
✿ Uit die Vader se Hart - 17 Maart ✿
Vandag kyk Ek na jou hart My kind…daardie diep weggesteekte hoekie waarvan net ons twee weet…Ek ken dit, ja want self ervaar Ek jou bitterste seer…ja Ek weet jy kan en wil dit met niemand bespreek nie My kind…dis daarom dat Ek die eerste tree geneem het omdat jy jou vrymoedigheid verloor het…Ek wil jou nie meer so sien met al daai diep binne seer nie, want dit is besig om jou van al jou vreugde en geluk te beroof…kom dan nou dat ons die saak uitmaak, want die bloed van die lam het voorsien…Ek wil vandag al jou seer wegvat, sodat jy weer jou vreugde vure kan aansteek…kyk Ek gaan iets moois in jou lewe doen en Ek gaan jou trane oor hierdie saak nou finaal afvee…Ek het n paar verassings vir jou beplan…ou drome waarvan jy al vergeet het, gaan nou nuwe opslae maak in jou belewing van blydskap en vreugde My geliefde kind…groete vereers My kind en onthou jou seer is verby!
✿ My Gebed Vir Vandag ✿
☛ Pappa Vader vandag mediteer ek op U Woord. Ek soek U teenwoordigheid in my hele lewe. Wys my U karakter sodat ek in U wee kan wandel en nie afdwaal nie. Dit bid ek in die Naam van Jesus die Christus,
Amen!
13
Groet / 15 Maart 2022
« Last post by Blikkies on March 15, 2022, 09:26:07 AM »
Goeie môre, heseënde week vir elkeen
14
Geestelike Inspirasie / Die genade van God
« Last post by Blikkies on March 15, 2022, 09:24:53 AM »
Die genade van God wat verlossing bring, het immers aan alle mense verskyn.
Dit voed ons op om die goddelose leefwyse
en węreldse begeerlikhede te laat vaar en met selfbeheersing, opregtheid en godsvrug in die teenswoordige węreld te lewe.
- Titus 2:11-12 -
 

Gewillig om vir Hom te lewe

“Ek het lus, o my God, om U welbehae te doen, en U wet is binne-in my ingewande.” - Psalm 40:9 (1953 vertaling).

Ons Heiland bewaar ons duurgekoopte lewe sodat geen haar van ons hoof sonder Sy Wil geskaad sal word nie. Ja, Hy hou ons lewe in stand tot in alle ewigheid, sodat selfs die dood ons nie van Sy liefde kan skei nie.
Hoe geseënd is ons dan nie!
Wat sal ons die Here vergeld vir al Sy weldade aan ons betoon? (Ps 116:12).

En tog is dit nie al waarom dit in die lewe gaan nie. Ons saligheid is nie die doel waarvoor God ons op hierdie aarde gestel het nie. As ons net oor ons eie saligheid bekommerd is, is ons selfsugtig. God het ons op aarde gestel om te lewe tot Sy eer en tot heil en nut vir ons medemens. Ons moet in die eerste plek nie ons eie saligheid soek nie, maar die eer van God in ons hele lewe. Daarvoor moet ons bereid wees om offers te bring, om alles wat ons besit, ja selfs ons eie lewe, op die altaar te lę. Ons saligheid kan nie losgemaak en afgeskei word van ons diensvaardigheid en gehoorsaamheid aan God nie. Dit moet die gelowige se grootste wens en vreugde wees om die Wil van God ten uitvoer te bring.

Daarom vind die gelowige Christen juis Sy vreugde en troos in die lewe wanneer hy God voluit dien. Hierdie vreugde en troos is 'n genadegawe van God. Want al sou jy alles besit wat jou hart begeer, sou jy jouself nooit werklik gelukkig voel solank as wat jou lewe nie aan God toegewy is nie.

En tog is dit juis die droewige werklikheid dat ons van nature geen lus het of geen drang het om God se Wil te doen en Hom te dien nie. Inteendeel, ons is geneig om die węreld te probeer win en onsself te behaag. Ons wil onsself nie verloën ter wille van God nie.

Daarom is ons so dankbaar as God deur sy Gees ons harte verander en daar by ons 'n innerlike behae ontstaan om Hom te dien. Hoe groot is die sielevreugde nie as ons God nie net uiterlik met die lippe dien nie, maar met ons hele hart. Eers dan kan ons sę dat ons beker oorloop van God se goedheid en guns (Ps 23:5 en 6) .

Nogtans besef die gelowige dat hy so oneindig vér te kort skiet en soos Paulus sę: “Ek begryp self nie wat ek doen nie, want wat ek wil doen, dit doen ek nie, maar wat ek haat, juis dit doen ek.” (Rom 7:15 1983 - vertaling). Dit is die stryd wat elke mens het met die sonde wat in hom woon. Maar dan kom Paulus by die kern van die saak as hy sę: “Diep in my wese vind ek vreugde in die wet van God ”(Rom 7: 22 – 1983 vertaling).

Uit: Die Vaste Fondament - Dr SJ van der Walt (verkort).
15
Gesels saam. / Lewens begroting
« Last post by Blikkies on March 14, 2022, 06:29:26 AM »
Lewens begroting

Dit is maklik om te sę dat ek volg Jesus, loop in Sy voetspore, maar om daarin te volhard is om te gaan sit en ‘n begroting op te stel. Dit is om te gaan sit en mooi te dink en te sien of ons werklik genoeg geduld, genoeg nederigheid, genoeg liefde, genoeg omgee, genoeg van alles het om ons huis te bou op Jesus. So dikwels sien ons kans om in ‘n nuwe verhouding te gaan, of by ‘n nuwe plek aansoek te doen vir werk, of selfs net om elke dag die pad aan te pak werk toe sonder die genade van Jesus, Sy bloed af te bid oor dié wat ons lewens daarin gaan beinvloed. Gaan jy jou maat in alles deur Jesus eerste stel, of gaan jy wanneer jy gekry het wat jy wil hę uit die verhouding, dan jou maat onbevredig, half gebou los, nie volhard in dit wat jy begin het nie. Begin jy ook die pad vanoggend werk toe met mooi gedagtes tot die eerste taxi sy weg voor jou indruk en dan begin jy in vingertaal met hom praat. So al of Jesus nie vingertaal verstaan nie. God verwag van ons dat wanneer ons iets aanpak met Hom as ons fondasie, dat ons in die voetspore van Sy genade, Jesus Christus sal loop. Ken Hom in al jou weë, en Hy sal jou paaie gelyk maak

Louis Joubert
16
Gesels saam. / DANKIE KONING JESUS
« Last post by Blikkies on March 11, 2022, 01:46:05 PM »
DANKIE KONING JESUS

“Dankie” is die woord wat in my hart opkom
As ek in stilte in gebed voor U neerkniel
Al kan “dankie” nie in woorde my gevoel beskryf
Wat ek in my dra vir die redding van my siel

Ek sę dankie, Koning Jesus, dat U sň goed voorsien
Al my nood het ek lank reeds aan U vertel
In die nag is my versugtinge aan U bekend
In die môre wag ek net op U bevel

   En ek sal my hele lewe elke dag vir U kom dankie sę
   In U sal ek blydskap hę, op U al my laste lę
   U vul my met nuwe krag om elke dag te doen wat U wil hę
   Vir al U liefde, Heer, wil ek net dankie sę

Ek is net ‘n doodgewone mensekind
Iewers in die węreld waar ek leef
Dit bly vir my ‘n wonder dat U aan my dink
Ek is wonderbaarlik in U raadsplan ingeweef

Dankie Vader, dat ek maar net U kind kan wees
Geen verdienste kan U by my ooit vind
U genade in Jesus is vir my genoeg
Deur U Seun se bloed is ek vir ewig aan U gebind

   En ek sal my hele lewe elke dag vir U kom dankie sę
   In U sal ek blydskap hę, op U al my laste lę
   U vul my met nuwe krag om elke dag te doen wat U wil hę
   Vir al U liefde, Heer, wil ek net dankie sę

   En ek sal my hele lewe elke dag vir U kom dankie sę
   In U sal ek blydskap hę, op U al my laste lę
   U vul my met nuwe krag om elke dag te doen wat U wil hę
   Vir al U liefde, Heer, wil ek net dankie sę
   Vir al U liefde, Heer, wil ek net dankie sę
   Vir al U liefde, Heer, wil ek net dankie sę

Leon En Rietha Goosen
17
Gesels saam. / Ons behoort aan die Here
« Last post by Blikkies on March 10, 2022, 08:25:53 AM »
Ons behoort aan die Here

Jesaja 5:1-7

KOM ons begin vanoggend met ’n jappie uit die Nuwe Testament wat besig is om te onderhandel. Hy is ryk. Italiaanse skoene. Handegemaakte snyerspak. Sy geld is alles belę. Sy plastiek is goud. Hy leef soos wat hy vlieg – eersteklas. Hy is jonk. Hy werk sy moegheid weg in die gimnasium en fnuik die ouderdom op die baan. Sy maag is plat‚ sy oë skerp. Energie is sy handelsmerk‚ en die dood is ’n ewigheid weg.

Hy is magtig. As jy dalk nie so dink nie‚ vra hom maar self. Het jy vrae? Hy het die antwoorde. Het jy probleme? Hy het die oplossings. Het jy dilemmas? Hy het opinies. Hy weet waarheen hy op pad is‚ en hy gaan môre daar aankom. Hy is die nuwe geslag. Die oues beter maar hulle litte roer of hulle tasse pak.

Hy het die drie beginsels van jappie-wees bemeester. Voorspoed. Nageslag. Mag. Hy is die ryk jongman.

Tot op hede was die lewe vir hom ’n gemaklike wandeling in ’n neonverligte straat. Maar vandag het hy ’n vraag op die hart. ’n Terloopse kwessie of ’n opregte vrees? Ons weet nie. Ons weet wel hy is op soek na advies.

Vir iemand wat so gewoond is om oor ander baas te speel‚ moet dit moeilik wees om te kom hulp soek by hierdie Seun van ’n eenvoudige timmerman. Dit gebeur nie elke dag dat ’n man van sy statuur kom raad vra by ’n plattelander nie. Maar sy vraag is nie ’n standaard vraag nie. “Meneer‚” vra hy‚ “watter goeie daad moet ek doen om die ewige lewe te verkry?” Uit sy vraag blyk dit dat hy iets nie reg verstaan nie. Hy dink hy kan die ewige lewe verkry soos wat hy alles in sy lewe kry – deur sy eie inspanning (Matteus 19:16 e.v.)

Jy sien‚ dit was nie geld wat die jongman verhinder het nie‚ dit was selfgenoegsaamheid. Dit was nie groot somme geld nie‚ dit was groot doenerigheid. Dis nie net die rykes wat dit moeilik het nie. Dis ook die geleerdes‚ die sterkes‚ die mooies‚ die gewildes‚ die godsdienstiges. Dis ook jy as jy dink jou vroomheid laat jou kwalifiseer as ’n kandidaat vir die koninkryk.

Verstaan mooi. God red ons nie op grond van dit wat ons gedoen het nie. Net ’n egoďstiese god sal beďndruk wees met ons pyn. Net ’n temperamentele god sal tevrede gestel word deur ons offerandes. Net ’n hartelose god sal verlossing verkoop aan die hoogste bieërs. En net ’n groot God doen vir sy kinders wat hulle nie vir hulleself kan doen nie. Maar weet ons wat God vir ons gedoen het? Verstaan ons dit? Of is dit dalk die rede dat ons leef soos ons leef omdat ons tog diep binne onsself dink‚ ek is seker God sal my seker nie verbygaan nie? Kom ons kyk ’n bietjie.

Jesaja 5:1-7 handel oor die wingerdloot wat die heeltyd ontvang‚ en inneem‚ maar wat suur druiwe te voorskyn bring; die Christen wat bearbei en versorg word‚ vertroos en vertroetel word‚ maar nie wil vrugte dra nie.

Dis nie maklik of lekker om oor angs en oordeel te praat nie. Toe hou Jesaja ’n denkbeeldige hofsaak. En die mense wat hy wil aankla‚ die persone wat hy wil veroordeel‚ sit hy toe daar in die juriebanke. En Jesaja stel toe só goed hy kan sy saak. Hy tree namens God op as die klaer.

En Jesaja se klag namens God handel oor God se wingerd. Jesaja vertel watter deeglike boer sy Kliënt is. Hierdie Eienaar van die wingerd het ongelooflik baie moeite vir die wingerd gedoen. Hy vertel dat hierdie wingerd in ’n rotsagtige‚ dog vrugbare‚ heuwel uitgekap is. Dit moes baie moeite gewees het‚ want hierdie heuwel moes in terrasse vir die landerye uitgekap word. Al daardie klippe is verwyder‚ en met dieselfde klippe is ’n muur rondom die wingerd gebou. Toe het hierdie Eienaar veredelde wingerdstokke in die wingerd geplant. Nie sommer enige soort druif nie‚ … nee‚ hierdie druiwestokke is spesiaal deur die Eienaar uitgesoek. Net die beste‚ net die edelste druiwestokke is gekies. Nadat Jesaja se Kliënt gesien het hoe mooi hierdie wingerd lyk‚ het Hy boonop ’n wagtoring gebou om dit te beskerm en te bewaak.

En asof dit nie genoeg is nie‚ het die Eienaar ook nog ’n parskuip daar gebou. ’n Parskuip is ’n apparaat waarmee die druiwe gepers word‚ sodat die sap uitkom. Nou is dit nie eers vir die arbeiders nodig om die druiwe ver na ’n parskuip te dra nie. Hulle kon dit sonder baie ongerief en moeite binne die wingerd bewerk het.

Met hierdie beskrywing oor die moeite wat die Eienaar van die wingerd gedoen het‚ wil Jesaja vir sy hoorders bewys dat sy Kliënt tog ’n saak het. En die jurie sou tot op hierdie stadium met Jesaja saamgestem het‚ want baie van hulle was self boere. Ja‚ hulle het geweet watter moeite dit is om in daardie onherbergsame land ’n wingerd teen die heuwels uit te kap. Ja‚ hierdie Kliënt van Jesaja het inderdaad baie moeite met sy wingerd gedoen.

En nou‚ teen hierdie agtergrond‚ kom Jesaja met die aanklag. Ten spyte van al die Eienaar se moeite het hierdie wingerd nie na verwagting presteer nie. Waar die Eienaar verwag het dat dit goeie druiwe sou dra‚ het die wingerd suur druiwe voortgebring. Hoekom? Half moedeloos vra Jesaja vir die jurie‚ vir sy mense‚ vir die volk Israel en ook vir my en vir jou: “Wat kan Ek nog vir my wingerd doen wat Ek nie reeds gedoen het nie.” Jesaja vra namens sy Kliënt ’n billike straf.

“Wat is dan die rede dat dit suur druiwe voortgebring het‚ terwyl Ek verwag het dat dit goeie druiwe sou dra?” Kan julle ook hoor hoe vra die Here God by monde van sy Seun‚ Jesus Christus: “Wat kan Ek nog vir julle doen wat Ek nie reeds gedoen het nie? Hoekom dra julle lewens‚ dan nie vrugte nie‚ terwyl Ek verwag het dat julle darem uit dankbaarheid die vrug van my Gees sou dra?”

Ja‚ met skaamte sal ons dan moet erken dat God meer as genoeg vir ons gedoen het. Hy het sy eie Seun nie eers gespaar nie! Wat meer wil ons dan nog hę? Ja‚ kyk so bietjie om julle rond en luister na wat alles met ons gebeur. Is dit‚ wat met ons gebeur‚ nie dalk wat daar in Psalm 80 verse 13 en 14 oor God se wingerd gesę word nie? Daar staan: “Waarom het U die mure om hom afgebreek? Al die verbygangers‚ stroop hom‚ die wildevark uit die bos verwoes hom‚ gediertes uit die veld vreet hom op.”

Maar in ons Johannes 15 word daar uitdruklik vir ons gesę dat Jesus die ware wingerdstok is. Ja‚ Hy is nou die veredelde wingerdstok wat deur die boer‚ sy Vader‚ geplant is. Ons is die lote wat op hierdie Wingerdstok ingeënt word. Slegs wanneer ons aan Jesus geheg is en vanuit Hom met die ewige lewenswater gevoed word‚ sal ons vrug kan dra. En hierdie Boer snoei ons reg sodat ons meer vrug kan dra. As ons egter nie aan hierdie Wingerdstok geënt is nie‚ is ons droë lote wat later bymekaar gemaak sal word om in die vuur gegooi en verbrand te word.

Hierdie beeld van die wingerdstok bring vir ons vreugde en troos. Sonder die wingerd‚ sonder Jesus‚ kan ons niks doen nie. Dit bring egter vir ons angs en oordeel‚ dat ons nie net kan kry en ontvang nie‚ maar dat ons ook moet dankie sę deur die vrugte wat ons dra. Kom ons doen dan só.

Vier mense: die ryk jongman‚ Sarai‚ Simon‚ Saulus. ’n Eienaardige draad bind hulle aan mekaar – hulle name. Die laaste drie se name is verander – Sarai na Sara‚ Simon na Petrus en Saulus na Paulus. Maar die eerste een‚ die jong jappie‚ se naam word nooit genoem nie. Dit is dalk die beste om te verduidelik wat hier gebeur. Die een wat vir homself naam gemaak het‚ bly naamloos. Maar dié wat Jesus se Naam aangeroep het – en sy Naam alleen – het ’n nuwe naam gekry‚ en selfs nog meer‚ ’n nuwe lewe.

Gebed:
O God‚ rus my vandag toe met eienskappe wat iets in my sal laat deurskemer van ú lewe in my: die nederigheid wat my sal weerhou van verwaandheid en misplaaste trots; die grasie en sagtheid wat dit vir mense maklik sal maak om met my saam te leef; die toewyding en betroubaarheid wat van my ’n goeie kollega en werknemer sal maak;
die deernis en hulpvaardigheid wat vinnig sal raaksien waar en hoe ek ander kan help; die voortdurende bewussyn van u teenwoordigheid‚
sodat ek regtig alles sal doen soos vir U.
AMEN
18
Groet / 09 Maart 2022
« Last post by Blikkies on March 09, 2022, 06:32:29 AM »
Was ek ..........

Was ek 'n Engel... het ek oor jou gewaak!

Was ek 'n Son... het ek vir jou geskyn!

Was ek 'n Liggie... het ek vir jou gebrand!

Maar nou's ek net ek wat vir jou wil sę...

Wees gelukkig... Wees Positief... Wees dankbaar Vergewe en lewe

Jy is hier vir 'n Rede!

Jy is baie spesiaal!!!

Vergewe my as ek soms... vergeet om te vra hoe dit gaan of... waarvoor kan ek bid!

Vergewe my as ek soms net ek is!

En mag jy nooit vergeet... hoe baie spesiaal jy is nie!!

Ek bid vandag dat die son in jou hart sal skyn, daar waar jy die pyn, hartseer, bekommernisse en vrae wegsteek.

Ek bid dat geen omstandighede wat ook al vandag op jou pad mag kom, jou moed sal breek nie.

Ek bid dat daar 'n glimlag van ... vrede op jou gesig sal lę ... en dat jy sal weet dat God jou altyd lief sal he!!! Amen

GOD IS GENOEG

-phb-
19
Gesels saam. / HIERDIE STORM
« Last post by Blikkies on March 08, 2022, 05:23:28 AM »
Goeie môre my Koning Jesus.

HIERDIE STORM

Hierdie storm sal jou NIE breek nie, sę die HERE. Jy sal terugkyk na hierdie krisis en weet dat die Lewende GOD jou DEURGEDRA het..... Dit wat nou vir jou na ‘n probleem lyk, gaan lei tot ‘n KRAGTIGE GETUIENIS tot EER van Sy Naam.. Jy sal sterker en KRAGTIGER aan die anderkant uitkom.... Meer GOD-BEWUS as ooit.. Jy sal ‘n beter INSTRUMENT wees in God se hande as ooit.. Daarom is jy VREESLOOS in die storm!.... Die storm lig die AREND net HOËR op... Hierdie storm is deel van jou SEËN sę die HERE.. Dit is EK wat jou SMART in BLYDSKAP verander.. Daarom WEIER jy om jou knie te buig voor hierdie krisis.... Voor MY alleen sal jy jou knie buig en erken dat Ek GOD is … JOU GOD … vir ewig!!!..
Jou HULP en jou VOORSIENER ....
Amen!

(Psalm 146:6-7)
"Die Here het die hemel en aarde gemaak. Hy bly altyd getrou, Hy laat reg geskied  aan verdruktes en gee brood aan die wat honger ly" . Amen
20
Gesels saam. / Hemelse Vader
« Last post by Blikkies on March 04, 2022, 09:28:34 AM »
Hemelse Vader:

 Skryf U Naam op my lippe dat ek altyd van U sal praat
 Skryf U Naam op my voete dat ek altyd met U sal wandel
 Skryf U Naam op my hande dat ek altyd vir U sal werk
 Skryf U Naam op my ore dat ek altyd na U sal luister
 Skryf U Naam op my hart dat ek U altyd sal lief hę
 Skryf U Naam op my skouers dat ek vragte vir U sal dra
 Skryf U Naam op my oë dat ek U sal sien
 Ek wil volkome aan U behoort!!
 Vergewe my sondes!

Amen

-phb-
Pages: 1 [2] 3 4 ... 10