Recent Posts

Pages: [1] 2 3 ... 10
1
Groet / 18 September 2018
« Last post by Blikkies on September 19, 2018, 01:47:54 AM »
Goeie more,

Ek sal weer ver 'n onbepaalde typ redelik min hier wees.
Ek gaan Dinsdag, 25 September 2018 teater toe vir my 6de rug operasie en sal dus bietjie uit sirkulasie wees
maar gaan nogtans probeer om te pos as dit moontlik is

Wees veilig
2
Gebedslys / Re: Gebed vir vandag.
« Last post by Blikkies on September 07, 2018, 09:11:50 PM »
Abba en Vader, Almagtige God en ons Koning, ons dank U vir die voorreg wat ons deur die genade van Jesus Christus ontvang het. Vader, dat U ons deel gemaak het van die plan vir hierdie wêreld wat so deurmekaar is, so vol sonde. Vader, dat U ons vertrou. Here, dat dit nie saakmaak hoeveel sonde agter ons name geskryf word nie. Vader, maar wanneer ons ons oorgee in Jesus en U ons hart oordeel, U ons altyd plek sal gee in U huis by die wat deur genade ook ‘n tuiste aan U voete gevind het. Vader, dat ons alleen met ons lewe voor U staan, maak ons nie meer bang nie, want toe die voorhangsel in die tempel geskeur het was dit die laaste keer dat ons sonde ons weg gehou het van U genade. Dankie Vader dat ons in hierdie tyd leef, dat U ons lewe vir nou beplan het. Vader, dit is ‘n vreugde wat net ons en ons alleen wat Jesus Christus aangeneem het kan beleef, ons lewe behoort aan U en U alleen. U heers oor ons begeertes. Amen.
3
Gesels saam. / Re: Dien soos 'n kind deur Louis Joubert
« Last post by Blikkies on September 07, 2018, 09:11:24 PM »
Miga 7:5-10
Moenie ‘n maat vertrou nie, moenie op ‘n vriend staatmaak nie, pasop wat jy sê vir die vrou langs wie jy lê. Die seun beledig sy pa, die dogter kom in opstand teen haar ma, die skoondogter teen haar skoonma. ‘n Man se huismense het sy vyande geword. Maar ek sal vertrou op die Here, ek sal wag vir God wat my red. My God sal my gebed verhoor. Moet jou nie oor my verlekker nie, my vyand, al het ek tot ‘n val gekom, ek sal weer opstaan, al sit ek in die donker, die Here is my lig. Ek aanvaar dat die Here my straf in Sy toorn, want ek het teen Hom gesondig. Wanneer Hy my saak verhoor en oor my uitspraak lewer, sal Hy weer lig bring in my lewe, sal ek ondervind dat Hy die oorwinning gee. My vyand sal dit sien, hy sal deur skaamte oorval word, hy wat vir my vra: “Waar is die Here jou God?” Ek sal op my vyand neersien, hy sal platgetrap word soos modder op die straat.

Gebed
Regverdige God, Regter bo alle regters, ons saak lê alreeds solank as wat ons leef voor U. Vader, U het nog nie moeg geword vir ons probleme, probleme wat ons oor onsself uit ongehoorsaamheid veroorsaak het en elke keer voor U gebring is nie. Here, vergewe ons eengesindheid in sondes. Vader, dit lyk of elke huis se kruis dieselfde bestandele het van oertyd af, net toegedraai met nuwe geskenk papier. Here, of ons herhaal van geslag tot geslag; vriende wat nie vertrou kan word, vrouens wat uitpraat oor dit wat tussen haar en die man met wie sy die bed mee deel. Seuns wat te groot raak vir hulle skoene, dogters wat hulle moeders se leeringe verontagsaam en die alewige skoonma, skoondogter onderonsies. Vader, vergewe ons hierdie herhaling in ‘n stryd binne ons eie huisgesinne. Waar ons nogsteeds nie uit ons verlede geleer het nie en U daarmee vermoei.

Dankie Here dat U ons almal se saak verhoor, dat alle sake ‘n einde het. Here, dankie dat U ons lig is terwyl ons wag dat U ons saak verhoor. Here, bewaar ons dat ons ons nie sal verlekker wanneer U ons vyand se saak verhoor nie, maar dat U ons as lig vir U sal gebruik, dat U met liefde deur ons sal skyn. Dankie Vader vir die voorspoed wat U vir elkeen van ons beplan het wat op U vertrou in gehoorsaamheid. Dankie Here Jesus vir die genade wat ons deur U kruisdood ontvang het, vir die Heilige Gees wat ons hierin beskerm. Amen.
4
Gesels saam. / Re: E - KERK deur Stephan Joubert
« Last post by Blikkies on September 07, 2018, 09:08:27 PM »
Vermy daardie V.V.V. leefwyse

deur Stephan Joubert

Daar’s iets soos slegte vrees en gesonde vrees. Ons benodig ’n gesonde vrees vir dinge soos wilde diere, elektriese drade, vuurwapens, gifstowwe, ensovoorts. Hiersonder kan ons nie behoorlik oorleef nie. Maar daar is ook ongesonde vrese wat ons liggaam gedurig in daardie ‘V.V.V.” toestand (“vries, vlug, of veg”) inforseer. Verseker is daar tye dat ons moet “V.V.V.,” maar as ons voortdurend in hierdie ongesonde sone uitkamp, dan vergiftig ons onsself met negatiewe emosies en gedrag. Ons durf nooit slawe van enige vrees word wat ons lamlê nie. God daag elke keer te midde van sulke vrees en onsekerheid op met die woorde: “Moenie bang wees nie, dit is Ek!” Hy verseker ons keer op keer van sy teenwoordigheid wanneer vrees en ander negatiewe gebeurtenisse dreig om ons lewe te oorspoel. Sy nabyheid bring ons onstuimige harte tot bedaring. Hy kalmeer ons gemoed. Maar God gebruik graag ook vriende en kundiges om ons te help met daardie irrasionele vrese in ons lewe. Maak gebruik van sulke mense se raad en hulp. Moenie wegkruip in jou eie “V.V.V.” bunker nie Dit is nie veilig daar nie. Jesus se nabyheid is jou veiligheid en jou troos.
5
Gesels saam. / Re: Leef vir God deur jou gesin
« Last post by Blikkies on September 07, 2018, 09:07:33 PM »
Self liefde

Dankbaarheid is die begin van wegbreuk van negatiewe gedagtes. Wanneer jy daardie koffie drink wees dankbaar want dit gaan jou wegvat van dit wat jy nie het nie. God se skepping was nie bedoel dat jy alles moet hê wat jou ogies sien nie. Nee, dit wat jy van God ontvang is sodat jy Hom daardeur kan verheerlik. Ons doen nie goed sodat ons hemel toe kan gaan nie, want ons is uit genade gered, ons doen goed sodat ons ander kan lei na die Here, dat ander Jesus se liefde deur ons kan beleef. God het jou lief, jou alleen sonder al die extra’s wat jy wil saamdra. Hê jouself ook lief vir daardie selfde rede, nie net wanneer jy goed voel nie, maar juis wanneer jy jou af dae het.
6
Gesels saam. / Re: So maak mens deur Jacob Rheeder (Facebook)
« Last post by Blikkies on September 07, 2018, 09:04:43 PM »
Mr Bones

Ons elkeen het ‘n geraamte in die kas, ja almal, al verskil tussen my en jou geraamte is dalk die size van die kas. Die Here ken daai geraamtes, ieder en elk van ons s’n, so jy kan dit nie vir hom wegsteek nie. Maar Hy kom sê vandag vir jou dis OK, want Hy is lief vir jou, só lief dat Hy vir jou part gesterf het. So maak skoon daai kas!

Joh 10:11 - Ek is die goeie herder. Die goeie herder lê sy lewe af vir die skape. 
7
Gesels saam. / Re: Vers 'n dag
« Last post by Blikkies on September 07, 2018, 09:01:29 PM »
“Laat u koninkryk kom ...”
Hennie Symington
 
“Die koms van die koninkryk van God kan nie uit voortekens bereken word nie. Hulle sal nie kan sê: ‘Kyk, hier is dit! Of: ‘Daar is dit! nie, want die koninkryk van God is hier by julle.” Lukas 17:20b-21.
 
Hoe ervaar ek God se koninkryk?

Jesus het dikwels gepraat van die koninkryk van God of die koninkryk van die hemel. Dwarsdeur Jesus se kort lewe op aarde loop die gedagte van die koninkryk soos goue draad deur sy woorde. In Matteus alleen word daar meer as 45 keer na die koninkryk van die hemele verwys terwyl beide Markus en Lukas ook verskeie kere na die koninkryk van God verwys.
 
Uit hierdie verwysings na die koninkryk kan ons seker wees dis nie ’n veraf skim of beloftes van ’n koninkryk wat eendag sal kom nie, maar een wat reeds hier en nou teenwoordig is, net soos in die hemel. God is tog teenwoordig in alle tye van die begin af tot in ewigheid.
 
Die koninkryk is onsigbaar maar teenwoordig
Hierdie koninkryk is nie van die wêreld nie maar het alles met hierdie wêreld te make. Dit behels die mag van God om oor alle dinge in die hemel en op aarde te heers en sy reddingsplan uit te voer. Dis ’n ryk waar die genade van God oor almal uitgestrek word en terselfdertyd ’n magtige koninkryk waar Christus heers oor die heelal.
 
Nie ’n aardse koninkryk nie
Die koninkryk is teenwoordig in die harte van elkeen wat Christus se heerskappy in sy lewe erken. Dit is nie ’n tweederangse koninkryk waar daar meegeding moet word met die koningshuise van hierdie aarde nie. Dis nie maar net nog ’n dinastie nie maar ’n koninkryk wat dwarsdeur die geskiedenis van die kerk teenwoordig was en strek tot die einde van tye. Die koninkryk van die hemel is die teenwoordigheid van God in Jesus nou en toekomend.
In hierdie koninkryk is daar geen sosiale orde en range nie. Prinse en prinsesse het dieselfde regte as gewone mense en die enigste wet wat geld, is dat jy moet liefhê. As iemand jou slaan moet jy die ander wang draai, en as iemand jou dwing om ’n kilometer saam met hom te stap, moet jy twee stap.
 
Nie ons soort koninkryk nie
Ongelukkig is dit nie die soort koning wat die wêreld wil hê nie. Ons leef in ’n materialistiese wêreld waar "image" koning kraai. Die grootste, blinkste, sterkste en rykste is ons maatstaf. Totdat jy besef die koninkryk bied ’n rykdom ver bo jou wildste drome. Jou taak as burger van hierdie koninkryk is om dit sigbaar te maak aan die wêreld deur gehoorsaamheid aan die Koning en deur die boodskap van verlossing te verkondig.
 
Gebed vir vandag
Here, ek is so verblind deur die vertoon van uiterlike rykdom dat u koninkryk vir my net ’n vae afskynsel van die werklikheid is. Maak u koninkryk ’n werklikheid in my hart.
 
8
Gesels saam. / Re: Poësie
« Last post by Blikkies on September 07, 2018, 08:58:34 PM »
Boer soek ‘n vrou
by waterstrome

Hier op my plaas, omring met die dorre aarde.
My manshart het soos die veld geword.
Hier beleef jy baie lief en leed.
Hier leer jy van die lewe.
Om my is heeldag net leer van oorleef.
Harde aarde en jy leer van God se genade.
Nie alle vroue kan hier aanpas. Weg van die stad se woel en samesyn nie. En hier kom jy.
Soos die oggendson se eerste strale het jy my hart kom warm maak. Soos die wind oor die aarde waai om die wolke nader te bring. So het jy 'n lafenis oor my hart kom waai.
Die voëlgesang klink nou soos jou stem.
Die aande is nie meer alleen nie.
Jou beeld verwang die gedroogte aarde.
Jou glimlag kom lê op my moeë gesig.
Vir jou wil ek die groen lande wys.
Vir my is jy die oase waar ek kan rus.
Nou is my drome nie meer leë luskastele.
Dis nou 'n plaashuis met 'n warm siel en kloppende hart.
9
Koringkorrels / 7 September 2018
« Last post by Blikkies on September 07, 2018, 08:56:49 PM »
Mat 7:11b “hoeveel te meer sal julle Vader wat in die hemel is, goeie gawes gee aan dié wat dit van Hom vra”
10
Geestelike Inspirasie / "Dink wat jy dink!"
« Last post by Blikkies on September 07, 2018, 08:55:19 PM »
"Dink wat jy dink!"

Dit help nie jy jaag jou begeertes nie, want jy jaag dit net verder weg! Maak jou begeertes aan Vader bekend en kies dan om jou te begin verlustig in Hom. Verlustig jou in alles wat jy reeds het - in jou werk, jou vriende/kollegas/familie, die kar wat jy ry en die huis wat jy bly. Maak dit 'n denkpatroon en laat Vader toe om Sy skeppingswerk in jou lewe te voltooi.

Hemelse Vader:
Skryf U naam op my lippe dat ek altyd van U sal praat
Skryf U naam op my voete dat ek altyd met U sal wandel
Skryf U naam op my hande dat ek altyd vir U sal werk
Skryf U naam op my ore dat ek altyd na U sal luister
Skryf U naam op my hart dat ek U altyd sal lief hê
Skryf U naam op my skouers dat ek vragte vir U sal dra
Skryf U naam op my oë dat ek U sal sien
Ek wil volkome aan U behoort!!
Vergewe my Sondes!
Amen Jesus

GEE OM VIR MEKAAR
Vandag is nog 'n dag aan ons gegee. Wat gaan ons daaromtrent doen? Gaan ons iemand vertel van Jesus? Gaan ons maar net ons eie gang gaan? Hierdie dag is reeds aan ons gegee sodat Sy naam daardeur verheerlik kan word. Ons het vandag 'n kans om daardie keuse te maak sodat iemand wat nog nie van Hom gehoor het nie te vertel van Sy wonderlike liefde en omgee vir ons. Iemand het dit dalk net vandag nodig. Kom ons reik 'n hand van bemoediging, omgee, aanraking uit na 'n persoon toe. Baie keer word onsself daardeur gestig. My gebed is soos daardie liedjie van Leon Ferreira wat se: Here, gee ons weer 'n hart vir hierdie land en sy mense, laat ons waterstrome wees waar droe land, droe woestyn, is. Mag die Here elkeen ryklik seen vandag.

Onthou dat daar 'n direkte verband is tussen jou geluk en jou diensbaarheid. Hoe meer jy bereid is om vir ander te doen, hoe gelukkiger mens sal jy wees.
Psalm 36:6 U geregtigheid is soos die berge van God; U oordele is ‘n groot watervloed. HERE, U behou mense en diere!

Vergifnis
Sonder ‘n gister kan jy nie ‘n toekoms hê nie, maar moenie toelaat dat jou gisters se lelik jou toekoms bepaal nie. Gisters wat deurtrek is van venyn, selfvergelding, onregverdigheid, ongeregtigheid, leuens en derglike. ‘n Onvergeefde gister veroorsaak dat ons nie vorentoe kan beweeg nie. Staan op en uit vandag! Wees die minste en vergewe soos wat Jesus jou vergewe vir wat jy teenoor Hom verkeerd doen. Jesus vertel die verhaal van die man wat die koning baie geskuld het, en die koning het sy skuld afgeskryf. Maar toe gaan dieselfde man en wurg die geld uit iemand wat hom geld geskuld het. Die koning was woedend toe hy dit te hore kom en het sy skuldvrystelling teruggetrek. Staan jy vandag skuldig voor die Koning omdat jy Sy vergifnis verkry het deur die bloed van Jesus, maar nie self kan vergewe nie? Jesus het nie verniet hierdie verhaal vertel nie. Maak vandag seker dat jy nie uitgaan in ‘n wêreld waarin jy sê dat God sal verstaan dat ek nog nie kan vergewe nie. Indien jy nog nie gereed is om te kan vergewe nie, moet ook dan nie die Koning vra vir vergifnis nie, Hy gaan woedend wees. Vra eerder die Koning om jou vergewensgesind te maak. Dit is ‘n goeie vertrekpunt om vergewe en vrygespreek te word.

Leer om "nee" te sê vir die goeie
sodat jy "ja" kan sê vir die beste
'n Slang of 'n vis - wat sal dit wees?

Jesus belowe om nie vir ons alles te gee wat ons in gebed voor vra nie. Soos ‘n goeie pappa sal Hy net gee wat Hy weet vir ons goed is. Vra met vrymoedigheid alles wat jy wil hê. Wat jy kry is wat vir jou goed is. Hoe dikwels vra ons uit ongeloof? Kan jy nog onthou wat jy laasweek van God gevra het? As die antwoord “nee” is, hopelik God ook nie, want dan was dit ook nie belangrik genoeg vir jou nie. Ons kry nie, want ons vra nie reg nie!Wanneer jy weer van God in gebed vra, hou die volgende in gedagte: “alles wat julle wil hê dat die mense aan julle moet doen, moet julle ook aan hulle doen. Dit is tog waarop dit neerkom in die wet en profete.” Mat 12:7. Dit gaan beslis jou lys van selfsugtige begeertes met die helfte sny, veral as jy bo aan jou lysie van mense, jou mees gehate vyand se naam het. Baie sterkte met jou eerlikheid in jou begeertes wat jy van Vader vra. Maak ook sommer ‘n lysie van wat jy vra op hierdie manier, en glo my, jy sal sien dat: “hoeveel te meer sal julle Vader wat in die hemel is, goeie gawes gee aan dié wat dit van Hom vra” Mat 7:11b waar word.
Pages: [1] 2 3 ... 10